బాపన్న పెళ్లి వైభవం గా జరిగింది -వెలిచాల గోపాల రావుగారు మంచి పేరుమోసిన ఆస్తిపరుడు -పైగా ఏడుగురు కూతుళ్ళు ఇద్దరు కొడుకులు -అందుచేత బాపన్న గర్వంగాను గౌరవంగాను బ్రతికాడు -పైగా సంతానం చక్కగా అయింది -అయన పురుడు ఖర్చు పెట్టుకోలేదు -రాగం పేట నుండి సమస్త సామాను పోయేది -మొత్తానికి అయన పెట్టినా -పెట్టకున్నా బాపన్నకు ఒక ధైర్యం బలం వచ్చింది -చిన్నాయనల సహకారం లేకున్నా -కుటుంబం నిలపుకోదానికి ఆధారం దొరికింది పైగా పట్వారిగిరి పై వచ్చే ఆదాయం చేతికి వచ్చేది -ఒకరకంగా తన చిన్నప్పటి కస్టాలు మరపించే సౌఖ్యం లభించింది -దండి అత్తగారు బలగం -పిల్లలు -సంఘంలో ఒక హోదా వచ్చింది -
దీనికి భిన్నగా సీనన్న జీవితం -సాదా సీదాగా అయన కన్న తండ్రి గుణాలు పుణికి పుచ్చుకున్నాడు -ఉద్యోగం హోదా వతన్ దారీ -ఏదీ లేదు -పైగా వ్యవసాయంలో వచ్చే ఆదాయం లో చాలా నష్టాలే -!నిజానికి సంతానం అయితే మాత్రం ఎలా గడిచేదో భగవంతునికే తెలియాలి --!తండ్రిలాగే ఓపిక -మా అమ్మకు కోపం వచ్చేది అప్పుడప్పుడు ---కాని సీనన్నకు మాత్రం అరవై ఏళ్ళ జీవితంలో కోపం రాలేదు --వాస్తవంగా అలుగుటయే ఎరుంగని అజాత శత్రుడు అతడు వండ ఏళ్ళ క్రింద ఒక మునిలా పుట్టవలసిన వాడు -ఎన్ని బాధలైనా సహించే వాడు --భూదేవి అంత సహనం -నాకు తెలిసిన వ్యక్తుల్లో అంత దీరున్ని చూడలేదు -ఒక్క రోహాన్ బుజ్జన్నలు తప్ప --వీరిఇకి కోపం రావడం నేను చూడ లేదు -
దురదృష్టం ఏమంటే సీనన్నకు -బాపన్నకు పడేది కాదు -కోపంలో బాపన్న మేనమామ వెంకట రామారావు పొలక వండ శాతం వచ్చాయి -ఆయన ఎంత మందినో తిట్టినా తిట్లు బాపన్న ఒక్క సీనాన్న ను మాత్రమె తిట్టాడు -కాని సీనన్న పల్లెత్తు మాట ఎదురు అనలేదు -ఎక్కడ -ఎవరికీ చెప్పుకో లేదు -ఇలా తిట్టడం అటు నాకు ఇటు అమ్మకు -అందరికి బాధగానే ఉండేది -అయినా ఆయన తన తిట్ల దండకం ఆపడం మానుంచి కాలేదు -పట్వారిగిరి పొయ్యి -కరీం నగరంలో స్తిర పడేవరకు ఇలానే జరిగింది -తిండి ముందు -పది మందిలో నోటికి వచ్చి నట్లు అనే వాడు బాపన్న --ఈ ఒక్క విషయంలో మాత్రం అయన క్షమించరాని పొరపాటు చేశాడు -! మెతకగా ఉన్న వాళ్ళను చూస్తే ఎదుటి వానికి మొత్త బుద్ది అవుతుందేమో -బహుశా ఇదే లోకం తీరు కావచ్చు ! ---ఈ తప్పును బాపన్న తమ్ముడు సీనడు చని పోయాకగాని గుర్తించ లేదు -అప్పటికే చేయి దాటి పోయింది -కాలం అలా గడిచింది -అలా బాధ పదాలని సీనన్నకు రాసి ఉందేమో -ఈ జన్మలో -బాపన్న అనేవాడు కేవలం నిమిత్త మాత్రుడు -!నిజానికి ఇలా చేయడంలో బాపన్నకు వచ్చిన లాభం ఏమి లేదు -
మరొక బాధాకర మైన విషయం -ఆలస్యంగా సంతానం కావడం -పెళ్ళైన ఇరవై ఏళ్ళకి - వయసు మళ్ళాక -పాపం అంత వరకు ఆయన పడ్డ మాటలు ఇంకా గింగురు మంటున్నాయి -వాడెం చేసుకుంటాడు -భూమి పైసలు -గోడ్దోనికి ఎందుకు ఆదాయం ? అని బాపన్న మాటలు జారడం అతడు పడ్డాడు -కాని ఆ స్తానంలో మరెవ్వరు పడరు -! ఇక చిన్న వదిన సంగతి సరే సరి -! మూడు పూటలా వండటం -మంచి నీళ్ళు తేవడం -పుట్టెడు ఇంటి చాకిరి చేయడం --మాటలు పాడటం -పిల్లలు పుట్టనందుకు మాటలు -అవమానం - నలుగురిలో తిరగ లేక పోవడం - వడ్ల తో చాపలా భర్తతో పాటు ఆమె కూడా భరించాల్సి వచ్చింది = వెయ్యి దేవుళ్ళకు మొక్కింది -వ్రతాలు చేసింది -తది బట్టల్లతో ఆంజనేయ ప్రదక్షణాలు చేసింది -పడరాని కస్టాలు అగచాట్లు పడ్డాది -
దీనికి తగినట్లుగానే ఆమె కు తల్లిగారి బలం దిక్కు లేక పోవడం -తండ్రి బ్రతికి ఉండగా ఇచ్చిన ఆరు తులాల బంగారం సీనన్న వ్యవసాయంలో పెట్టు బడి పెట్టాడు -ఇక అల్లున్ని నమ్మక ఆ మామ మరో ఆరు తులాల బంగారం చిన్న వదిన మేన మామ ఉప్పుల హరి హర రావు వద్ద దాచాడు -ఇస్తే సీనన్న ఇదీ కూడా అమ్మేస్తాడని ఆయన భయం మరి !
అయన పోయిన తర్వాత ఆ మేన మామ ఇంట్లో దొంగలు పడ్డారట -ఈ దాచిన బంగారం దోచుకుని పోయారట -అని తర్వాత తెలిసింది -చిన్నవదినకు తల్లి అన్న --పెళ్ళికి ముందే చనిపోయారు -ఇక ఆమె చిన్నాయన కటికేన పల్లి పురుషోత్తం రావు గారిచే కన్యా దానం చేయించారు --అటు ఆమె చిన్నాయన --ఇటు సీనన్నకు సాంబన్న మామ అత్త లు పెళ్లి పీటల పై కూర్చున్నారు -ఆ సమయంలో పెద్ద వదిన పురుడుపోసుకోడానికి -తల్లి గారింట్లో చాత గాకుండా ఉంది
-ఇలా దేవుడు చిన్న చూపు చూసినా - ఆయనకు గొప్ప మనస్సును ఇచ్చాడు -దైవ భక్తీ నిండుగా నిలిపాడు -అతనికి ఈ విషయంలో అమ్మ తోడుగా నిలిచింది -తన ఆఖరు శ్వాస వరకు సీనన్నను కంటికి రెప్పలా కనిపెట్టింది --కాపాడింది అతనిపై ఈగ వాళ నివ్వలేదు --శ్రీనివాసా ! అని రోజుకు వందసార్లు పిలిచేది -అనారోగ్యంతో సీనన్న భాద పడుతుంటే ఎన్నో దండ కాలు నారాయణ కవచం ఆపదోద్దారక స్తోత్రం -అహర్నిశలు తను పస్తులుండి -కొడుకును కడుపులో పెట్టుకుంది
నాకు బాపన్న గురించి గాని -నీగురిచిగాని రంది లేదురా -సీనన్న కోసం -నా బాధంతా -! అనేది వానికి నోట్లో నాలుక లేదు -అన్నెం పున్నెం తెలియదు -సంసారి వాక కాదు -అత్తగారి బలగం లేదు - పెళ్లామన్న తెలివి గల్లది కాదు -ఎ ఆసరా లేదు -బంగారం లేదు భాగ్యం లేదు - ఇటువంటి వాణ్ని ఎవరూ పాపం అంటారురా ? అని వాపోయ్యేది
-అన్నటుగానే అమ్మ తన కు దగ్గు ముదిరినా క్షయ వ్యాది తో వైద్యం లేక రాగం పేట లో బాధ పడినా కూడా సీనన్నను విడిచి రాలేదు - రాగంపేట తన ఇల్లు -ఆది విడిచి నేను ఎక్కడ ఉండను అని చిన్న వదిన మొండి పట్టు -ఆమె మంకుపట్టుతో సీనన్న అక్కడే ఉండటం --సీనన్నకోసం ఎంత కష్టమైనా భరిస్తూ అమ్మ రాగంపేటలో ఉండాల్సి రావడం --ఇలా చేయడంతో అటు సీనన్నకు ఇటు అమ్మకు అనారోగ్యం చాలా దెబ్బ తిన్న్నాయి -కోలుకోలేని పరిస్తితి దాపురించింది -బండ లాంటి దేహ దారుద్యంగల సీనన్న సుగరు బీ పీ పక్ష వాటం అన్నీ ఆయన పై దాడి చేశాయి -అదృష్టం ఏమంటే -సీనన్న కంటే ముందే అమ్మ దాటి పోయింది -తన కళ్ళ ముందు ఆమె సంతానం చల్లగా ఉండటం -సంతృప్తి గా చూసి సంతోషంతో వెళ్లి పోయిది ఆమె జీవాత్మ -! అమ్మ సీనన్న అను బంధం ఎంత గొప్ప దంటే - అమ్మకు సీనని మీడానే ప్రేమరా -మా మీద లేదు -అని చాలా సార్లు బాపన్న అన్నాడు ---చివరకు చిన్న వదిన కూడా వీళ్ళల ప్రేమ మిడుకా !గింత ఉంట ద !తను పోయేది పోకుండా -తన వెంట కొడుకును కూడా తీసుకుని పోతదా ! ఇంత పాపం ఉంటదా !అని నిష్టురం పలికింది --
Comments