పార్ట్-35

దురదృష్టం ఏమంటే --నేను రాస్తున్న --మా కథ చదవడానికి - నాతోపాటు ఆనందం అనుభవం --కన్నీళ్లు కడగండ్లు -ఎన్నో రకాల తీపి చెడు సంఘటనలు భయంకర మైన దృశ్యాలు --వారి మాటలు చేతలు కృత్యాలు --ఇలా నాతొ పంచుకోడానికి -- మా కథ లో ముఖ్య పాత్ర దారులు ఇప్పుడు నాతొ లేరు ! --ఈ కథ ఎవరి కోసం?
పోయి నోల్లు అందరు మంచోళ్ళు ---!
ఉన్నోళ్ళు పోయినోళ్ళ తీపి గురుతులు--!
పాడుతా తీయగా చల్లగా --!
ఇలా నాలో నేనే నెమరేసుకునే తీయని జ్ఞాపకాలు మధుర స్మృతులు --ఎన్నటికి చెరగని ముద్రలు --అండ మైన అనురాగ భావాలు --ఆనాటి చేదు తలపులు --ఇవన్ని కలబోస్తే ఉగాది నాటి ఐదు రకాల పచ్చడి తిన్నట్లు గా ఉంటుందికదా --!నేటి భవిత పాత అనుభవాల పునాది పైనే కట్ట బడి ఉంటుంది సుమా --! చరిత్ర లేని వాడు --దానిని మరిచిన నాడు --మనిషి పుట్టుకకు అర్థం ఉండదేమో --!
మా అమ్మ --మా బాపన్న మా సీనన్న --ఇప్పుడు నాతొ లేరు భౌతికంగా --కాని నా మనసులో నేను ఉన్నన్నాళ్ళు నాతొ బాటు నాలో సజీవంగా ఉంటారు --ఎందుకంటే నేను అనబడే నా చరిత్రకు నా సౌఖ్యాలకు --నా ప్రగతికి --వాళ్ళ స్పూర్తి యె కారణం --వాళ్ళను మరచిన నాడు-- నేను ఉన్నా లేనట్లే సుమా ! వారి ఆయువును నాకు నాకోసం ధార పోసి వాళ్ళు నిష్క్రమించారు
నిజానికి వాళ్ళు నాకంటే చాలా శ్రమించారు - నాకంటే చాలా కష్ట పడ్డారు -- దెబ్బలు తిన్నారు -మాటలు అనరానివి --పడ్డారు! చేదు అనుభవాలు తాము దిగ మింగి - నాకు - మాకు --ఆనందం పంచారు ! ఆ ఆనందం ఆ నలుగురితోనే ఉంది నాతొ కలుపుకొని -- కాని నేను ఒక్కన్నే వారు లేకుండా ! ఇది ఏమి ఆనందం ? నా వాళ్ళు లేకుండా ---నా అనే వాళ్ళు లేకుండా ?
కష్టం వాళ్ళ వంతు ! ---సుఖం నా --మా వంతు ! అయ్యింది
వాళ్ళు ఉండగా ఈ కథ రాస్తే ఒక పండగ లా అనిపించేది - వాళ్ళతో ఈ గాధ - నా బాధ - ను పంచుకొంటే నా జన్మ ధన్యం అయ్యేది --నాకు చాలా తృప్తిగా ఉండేది -- !
అయినా వాళ్ళ ప్రతి రూపాలు ఉన్నాయిగా ! ఈ ఆనందం - ఆ అనుభవం పంచుకోడానికి! -- నాకు ఇది చాలు --!
ఇది మా ఆత్మ కథ దీనిని నేను రాయడంలో నాకు స్పూర్తిగా నిలచిన ఆ మువ్వురికి రుణ పడి ఉంటాను --దీని వల్ల వారి ఆత్మలు మనశ్శాంతి పొందుతాయని నేను భావిస్తాను
నాచే ఈ చిన్న ఆత్మ కథను రూపొందించడానికి ప్రేరణ ను కలి గించి - ఒక రూపాన్ని ఆపాదించిన ఆ దేవ దేవునికి శత కోటి ప్రణామాలు ! ఇది వారికే అంకితం! ఇది వారి స్వంతం కూడా --!